«Barselona» himoyachisi Erik Garsiya terma jamoa yig‘inida jarohat olgan edi. Futbolchi tez orada safga qaytishi kutilmoqda.

25 yoshli futbolchi shanba kuni «Uembli» stadionida bo‘lib o‘tgan Millatlar ligasining Angliyaga qarshi uchrashuvi oldidan o‘tkazilgan qizishish mashg‘ulotida jarohat olgan.

«Ko‘k-anorranglilar» vakili Ispaniya terma jamoasi qarorgohini tark etib, Barselonaga qaytib kelgan. Biroq uning jarohati jiddiy emasligi ma’lum bo‘ldi.

Catalunya Radio ma’lumotiga ko‘ra, Garsiya hozircha og‘riq his qilmoqda, ammo tez orada to‘liq mashg‘ulotlarga qaytishi mumkin. Shuningdek, u 10 oktyabr kuni La Liganing navbatdagi turida «Xetafe»ga qarshi bahsda ishtirok etishi mumkin.

Erik Garsiyaning Ispaniya terma jamoasidagi o‘rnini Madridning «Atletiko» klubi himoyachisi Roben Le Norman egalladi.