"Барселона" ва Мадриднинг "Реал" клуби "Филадельфия Юнион"нинг 17 ёшли футболчиси Каван Салливанни ўз сафига қўшиб олиш имкониятини кўриб чиқмоқда.
Ёш ярим ҳимоячининг "Манчестер Сити" билан дастлабки келишуви бор. Режага кўра, футболчи 18 ёшга тўлганидан кейин Англия клубига ўтиши керак эди.
Sport маълумотига кўра, "Манчестер Сити" Премьер-лиганинг молиявий қоидаларини бузгани учун эҳтимолий жазога дуч келиши сабабли бу трансфер амалга ошмай қолиши мумкин.
Вазиятни "Барселона" ва "Реал" диққат билан кузатиб бормоқда. Агар Салливаннинг "Сити"га ўтиши амалга ошмаса, Ла Лиганинг ҳар икки гранди америкалик иқтидорни ўз сафига қўшиб олишга ҳаракат қилиши мумкин.
Каван Салливан жорий мавсумда "Филадельфия Юнион" сафида 30 та ўйин ўтказиб, 10 та гол урди ва 9 та голли узатма амалга оширди.
Transfermarkt портали футболчининг бозор қийматини 10 миллион еврога баҳоламоқда.
