Испания миллий терма жамоасининг марказий ҳимоячиси Дин Хёйсен Пау Кубарси билан бирга ўйнаш ҳақидаги фикрлари билан ўртоқлашди.

Сешанба куни испанлар Миллатлар лигаси ўйинида Хорватия терма жамоасини йирик ҳисобда мағлуб этишди (4:1).

«Кубарси билан жуда яхши чиқишамиз. Ўйлашимча, Пау қандай даражага эришганини ҳамма кўриб турибди. Бизнинг муносабатларимиз жуда аъло ва умид қиламанки, бундан кейин ҳам шундай бўлиб қолади. У нафақат ажойиб футболчи, балки жуда яхши инсон ҳамдир. Терма жамоада ҳали узоқ вақт бирга ўйнаймиз деб умид қиламан», – дейди 21 ёшли ҳимоячи.

Пау Кубарси клуб даражасида «Барселона» шарафини ҳимоя қилади. У эндигина 19 ёшда.

Шанба куни Луис де ла Фуэнте шогирдлари ўз майдонида Чехия терма жамоасини қабул қилади.