«Филадельфия Юнион» ярим ҳимоячиси Каван Салливан фаолиятини «Манчестер Сити»да давом эттиради.
«Шаҳарликлар» иқтидорли футболчи билан анчадан буён келишувга эришган. Трансфер Салливан 18 ёшга тўлганидан сўнг амалга оширилиши керак.
Сўнгги вақтларда Премьер-лига молиявий қоидаларини бузгани учун «Манчестер Сити»га нисбатан қўлланиши мумкин бўлган санкциялар туфайли ушбу келишув амалга ошмай қолиши ҳақида турли хабарлар тарқалди.
Бироқ инсайдер Фабрицио Романо маълумотига кўра, бу гаплар ҳақиқатга тўғри келмайди. Америкалик футболчи режа бўйича Англия гранд клуби сафига қўшилади. Унинг «Сити» билан тузган узоқ муддатли шартномаси ҳам ўз кучида қолади.
Айрим хабарларга кўра, Каван Салливани «Барселона» ва Мадриднинг «Реал» клублари ҳам ўз сафига қўшиб олишга ҳаракат қилмоқда. Футболчи 28 сентябрь куни 17 ёшни қарши олди.
