BBC маълумотига кўра, «Борнмут» январь ойидаги трансферлар ойнасида Алекс Скотт бўйича тушадиган таклифларни кўриб чиқмайди.

23 ёшли ярим ҳимоячи шу ҳафта Англия миллий терма жамоасида дебют қилди. У клубнинг шартномани узайтириш бўйича икки таклифини рад этган ва январь ойида амалдаги келишувининг сўнгги 18 ойлик қисмига киради.

Скотт ёзда «Борнмут»ни тарк этишга тайёр эди, аммо клуб уни жамоада сақлаб қолишга муваффақ бўлди. «Борнмут» чемпионатдаги мақсадларига эришгунига қадар ёки уларга етиш имконияти қолмагунигача футболчини сотмаслик ниятида.

Ярим ҳимоячига «Челси», «Арсенал» ва «Ливерпуль» қизиқиш билдирмоқда. Ёзда «Челси» Скотт учун 64 миллион фунтлик таклиф билан чиққан, аммо «Борнмут» уни рад этган.

Шунингдек, клуб Эли Жуниор Крупи ва Райан каби бошқа муҳим футболчиларни ҳам жамоада сақлаб қолмоқчи. «Борнмут» жорий мавсумда тўртта турнирда иштирок этмоқда.