The Athletic маълумотига кўра, Карлос Балеба тўпиқ жароҳатидан тикланишда давом этмоқда. Айнан шу муаммо унинг «Манчестер Юнайтед» сафидаги дебютини кечиктирган эди.

22 ёшли футболчи халқаро танаффус давомида Каррингтон базасида индивидуал дастур асосида машғулот ўтказмоқда.

Балеба кутилганидан тезроқ тикланди ва «Фулхэм»га қарши 1:1 ҳисобида якунланган учрашув қайдномасига киритилди. Бироқ у жорий мавсумда ҳали майдонга тушгани йўқ.

Камерун терма жамоаси уни Африка кубоги саралаш ўйинлари учун таркибга чақирмади. Шу билан бирга, Балеба шу ҳафта охирида «Манчестер Юнайтед» академия жамоаси сафида «Лозанна-Спорт»га қарши баҳсда иштирок этиши мумкин.

«Манчестер Юнайтед» уни «Брайтон»дан бонуслар билан бирга 70 миллион фунтгача етиши мумкин бўлган келишув асосида сотиб олган. Бу клубнинг ёздаги энг йирик трансфери бўлди.

Манчестерликлар Балеба келажакда «олтилик» позициясида Каземиронинг ўрнини эгаллашини кутмоқда. Футболчининг 10 октябрь куни «Тоттенхэм»га қарши ўйинда асосий таркиб учун курашишга тайёр бўлиши кутилмоқда.