Sport.es портали хабар беришича, Аргентина терма жамоаси бош мураббийи Лионель Скалони жамоа билан шартномасини узайтиришга яқин.
2026 йилги Жаҳон чемпионати финалида Испанияга қарши мағлубиятдан сўнг, Скалони амалдаги шартномаси тугаганидан кейин терма жамоадан кетишни ўйлаб кўрди, аммо томонлар охир-оқибат музокараларни бошладилар. Бу ҳақда аввал журналист Гастон Эдула хабар берган, кейинроқ эса мураббийнинг ўзи ҳам тасдиқлаган.
"Биз эндигина гаплаша бошладик. Иккала томоннинг ҳам хоҳиши бор ва бу энг муҳими."
Эдуланинг сўзларига кўра, АФА мураббийга 2+2 шартнома таклиф қилди, бу унга терма жамоани камида 2028 йилги Америка Кубогигача бошқариш имконини беради, уни 2030 йилги Жаҳон чемпионатигача узайтириш имконияти билан.
Скалони 2018 йилдан бери Аргентинага мураббийлик қилиб келади. Унинг раҳбарлигида жамоа 2022 йилги Жаҳон чемпионати ва иккита Америка Кубоги чемпионлигини қўлга киритди.
