Ҳужумчи Оливье Жиру Canal+ телеканалига берган интервьюсида 2018 йилда «Челси»га ўтишидан олдин Дортмунднинг «Боруссия» клуби унга қизиқиш билдирганини айтди. Жирунинг сўзларига кўра, оилавий шароитлар туфайли у бу вариантни жиддий кўриб чиқмаган.

«Жен ҳомиладор эди, у 2018 йил 25 январда фарзандли бўлди. У ҳазиллашиб менга: “Агар мени бошқа давлатга, Германияга, қолаверса Дортмундга кўчишга мажбур қилсанг, сени ўлдираман”, деди».

Ўша пайтда француз футболчиси «Арсенал»да етарлича ўйин амалиётига эга эмасди ва Жаҳон чемпионатида иштирок этишни истарди. Охир-оқибат Жиру «Челси»га ўтди.

«Ўша пайтда бу табиий равишда юқорилаш эди. Ўша вақтда АПЛ ва Европадаги энг яхши икки клуб “Челси” ва “Манчестер Сити” эди», — деди футболчи.

Жиру «Челси» сафида 2018 йилдан 2021 йилгача ўйнади ва 119 та учрашувда 39 та гол ҳамда 14 та голли узатма қайд этди. У Лондон клуби билан Чемпионлар лигаси ва Европа лигасида ғолиб бўлди.