Дания миллий жамоаси бугун Португалияга қарши Миллатлар лигаси доирасидаги учрашувни 1986 йилги намуна асосида ишланган футболкаларда ўтказади. Ўша пайтда Даниянинг ажойиб жамоаси жаҳон чемпионатининг гуруҳ босқичида жуда яхши иштирок этган, аммо 1/8 финалда испанларга йирик ҳисобда мағлуб бўлган эди.
Ўша вақтда данияликлар Анна-Метте Эрнст ва Брижит Лейтнер томонидан ишлаб чиқилган дизайндаги футболкаларда ўйнашган. Улар «ролиганс» деб аталган. Бу атама ўша жаҳон чемпионатида Дания терма жамоаси мухлисларига нисбатан қўлланган бўлиб, улар ўша даврдаги бошқа кўплаб фанат ҳаракатларидан фарқли равишда, ўзини босиқ ва маданиятли тутиши билан ажралиб турган.
Бу футболкаларнинг ярми қизил, қолган ярми эса оч пушти рангда бўлган.
