Дортмунднинг «Боруссия» клуби жамоа бош мураббийи Нико Ковачнинг фаолиятидан мамнун. Томонлар музокара ўтказиб, янги меҳнат шартномасини имзолаш бўйича келишувга эришди. Бу ҳақда BILD хабар берди.
54 ёшли мутахассис Германия топ-клуби билан ҳамкорлигини 2029 йилнинг ўрталарига қадар узайтиради. Томонлар ўртасидаги амалдаги шартнома 2027 йил июнь ойи охирида якунига етади.
Германия чемпионатининг тўрт туридан кейин Дортмунд жамоаси 12 очко жамғариб, турнир жадвалида пешқадамлик қилмоқда. «Боруссия» Мюнхеннинг «Бавария» клубини икки очкога ортда қолдирмоқда.
Ковач шогирдлари Бундеслигадаги навбатдаги учрашувини ўз майдонида Бременнинг «Вердер» жамоасига қарши ўтказади. Баҳс 9 октябрь куни бўлиб ўтади.
