«Наполи» ярим ҳимоячиси Скотт Мактоминей ўтган ойда кичик жарроҳлик амалиётини бошдан кечирганидан сўнг майдондаги машғулотларга қайтди.
Шотландиялик футболчи 8 сентябрь куни юрак ритмидаги енгил ва хавфсиз бузилишни бартараф этиш учун операция қилинганидан бери майдонга тушмаётган эди.
Спорт залидаги тикланиш машғулотларини якунлаган Мактоминей энди асосий жамоа билан умумий машғулотларга қўшилди ва унинг ўйинларга қайтиши яқинлашмоқда.
Бироқ Италияда юрак билан боғлиқ ҳолатлар бўйича қатъий тиббий тартиблар амал қилгани сабаб, Мактоминай майдонга қайтиш учун маҳаллий мутасаддилар назоратида қўшимча текширувлардан ўтиши ва тўлиқ тиббий рухсат олиши керак.
«Наполи» янги мавсумни қийин бошлади. Жамоа бешта ўйинда атиги икки марта ғалаба қозонди ва А Серия турнир жадвалида тўққизинчи ўринни эгаллаб турибди.
