Football Leaks асосчиси Руй Пинту ФИФА президенти Жанни Инфантинони «Манчестер Сити» ва «Пари Сен-Жермен»га нисбатан жиддий тергов ўтказилишининг олдини олишга ёрдам берганликда айблади.
Пинтунинг сўзларига кўра, 2014 йилда УЕФА бош котиби лавозимида ишлаган Инфантино клублар томонидан қоидабузарликлар содир этилганидан хабардор бўлган. Шунга қарамай, у «Манчестер Сити» ва «ПСЖ» Чемпионлар лигасидан четлатилмаслиги учун терговчилар ишига тўсқинлик қилган.
Яқинда мустақил комиссия «Манчестер Сити»ни Англия Премьер-лигасининг молиявий қоидаларини тўққиз мавсум давомида бузганликда айбдор деб топди.
Пинту 2018 йилда эълон қилган Football Leaks материаллари «Манчестер Сити»га нисбатан олиб борилган тергов учун ахборот манбаларидан бири бўлган.
