Италия А Сериясида август-сентябрь ойлари якунларига кўра энг яхши футболчи аниқланди. Соврин "Рома" ҳужумчиси Дониэлл Маленга насиб этди.
Италия чемпионатининг дастлабки беш турида Мален олтита гол урди. Нидерландиялик футболчи "Фиорентина" дарвозасига учта, "Лечче"га иккита ва "Торино"га битта гол киритди.
Дониэлл Мален ўз совринини 17 октябрь куни бўлиб ўтадиган "Рома" — "Женоа" учрашуви олдидан қабул қилиб олади.
Беш турдан кейин "Рома" А Серия турнир жадвалида "Интер" ва "Лацио" билан биргаликда пешқадамлик қилмоқда. Учала жамоа ҳам 13 тадан очко тўплаган.
"Рома" чемпионатдаги навбатдаги учрашувини 11 октябрь куни сафарда "Комо"га қарши ўтказади.
