"Манчестер Юнайтед" ва "Челси" вакиллари "Галатасарай" ярим ҳимоячиси Алексей Батраковни кузатиш мақсадида турк клубининг учрашувига боришни режалаштирмоқда. Бу ҳақда Haber7 хабар берди.
Англия клублари скаутлари Чемпионлар лигаси умумий босқичи 2-туридан ўрин олган "Галатасарай" — "Барселона" учрашувига ташриф буюради. Улар мазкур баҳсда россиялик футболчининг ҳаракатларини кузатади. Учрашув 13 октябрь куни Истанбулда бўлиб ўтади.
Аввалроқ "Манчестер Юнайтед" ва "Челси" Батраковни "Локомотив"дан сотиб олишга қизиққан, аммо санкциялар сабаб трансферни амалга ошира олмаган эди.
21 ёшли футболчи ёзги трансфер ойнасида "Локомотив"дан "Галатасарай"га ўтди.
Батраков Туркия клуби сафида ҳозирга қадар бешта учрашувда майдонга тушиб, битта голли узатмани амалга оширди.
