"Эвертон" ҳимоячиси Виталий Миколенко Украина терма жамоасининг Миллатлар лигасида Шимолий Ирландияга қарши ўйинида майдонга тушмайди. Бу ҳақда Metro хабар берди.
27 ёшли футболчи Венгрияга қарши 1:0 ҳисобида якунланган учрашувни тўлиқ ўтказди, аммо Грузия билан 0:0 ҳисобидаги баҳсда иштирок этмади.
Украина терма жамоаси бош мураббийи Андреа Мальдера Миколенкода оёқ билан боғлиқ муаммо юзага келганини ва мураббийлар штаби унинг соғлиғи билан таваккал қилмасликка қарор қилганини маълум қилди.
"Биз уни ҳурмат қиламиз ва янада жиддий жароҳат олишини истамаймиз", — деди мураббий.
Украина ва Шимолий Ирландия ўртасидаги учрашув 2 октябрь куни бўлиб ўтади.
Миколенко жорий мавсум Англия Премьер-лигасида "Эвертон"нинг барча бешта учрашувини асосий таркибда бошлаган.
