Франциялик ҳужумчи Оливье Жиру француз футболидаги энг узоқ фаолият юритаётган футболчилардан бири ҳисобланади. У профессионал даражада 20 йилдан буён тўп тепиб келмоқда.
Аввал Франция терма жамоаси тарихидаги энг яхши тўпурарлик рекордига эгалик қилган Жиру спорт формасини қандай сақлаб қолаётгани ҳақида гапирди.
"Кечагина бўғимларим учун инъекциялар олдим — гиалурон кислотаси ва кортизон препаратлари. Бу тикланиш жараёнига ёрдам бериш ва яллиғланишни камайтириш учун қилинди", — дея Жирунинг сўзларини derbyderbyderby.it келтирди.
Франциялик футболчи фаолияти давомида Лондоннинг "Арсенал" клуби ҳамда Италиянинг "Милан" жамоаси каби машҳур клублар сафида тўп тепган.
