Сўнгги йилларда Миланнинг "Интер" клуби Чемпионлар лигаси финалида икки марта — 2023 ва 2025 йилларда иштирок этди, аммо ҳар икки сафар ҳам мағлуб бўлди. Шунга қарамай, жамоанинг германиялик футболчиси Янн Биссек клубнинг бу мусобақада ғолиб бўлиш орзуси ҳамон сақланиб қолганини таъкидлади.
"Биз — Италиянинг энг кучли жамоасимиз, аммо сўзларнинг ўзи ҳеч нарса англатмайди. Буни майдонда исботлаш керак. Очиқ айтаман: биз Чемпионлар лигасини ютишни хоҳлаймиз. Бунга икки марта жуда яқин келдик. Тўғрироғи, ростини айтганда, бир марта. Биз кучли эканимизни ва ушбу турнирда охиригача боришга қодирлигимизни биламиз. Умид қиламанки, бизга яна бир имконият берилади", — дея Биссекнинг сўзларини derbyderbyderby.it келтирди.
"Интер" Чемпионлар лигасида ғолиб чиққан сўнгги Италия клуби ҳисобланади. Миланликлар бу совринни 2010 йилда қўлга киритган.
