Италия терма жамоаси марказий ҳимоячиси Алессандро Бастони Миллатлар лигасида Францияга қарши ўйин арафасида журналистларнинг саволларига жавоб берди.
Учрашув жума куни Франция майдонида бўлиб ўтади ва Москва вақти билан соат 21:45 да бошланади.
Франция терма жамоасининг кучли ҳужум чизиғи ҳақида гапирар экан, "Интер" ҳимоячиси 2025 йилги Чемпионлар лигаси финалида "ПСЖ"га 0:5 ҳисобидаги йирик мағлубиятни эслади.
"Ўша ўйин билан боғлиқ ҳар бир хотира мен учун ҳамон оғриқли. Барчамиз ўша куни воқеалар қандай кечгани ва қандай якунланганини яхши эслаймиз. Эҳтимол, бу биз учун энг ёмон кеча эди. Энди фақат бу сафар ҳаммаси бошқача бўлишига умид қилиш қолади.
Усмон Дембеле — ажойиб футболчи, унинг ҳужумдаги барча шериклари ҳам шундай. Уларни тўхтатиш учун ҳимоямиз ўзининг энг яхши ўйинини кўрсатиши керак", — деди Бастони матбуот анжуманида.
Миллатлар лигаси гуруҳ босқичининг икки туридан сўнг Италия 3 очко тўплаган, Франция ҳисобида эса 6 очко бор.
