«Барселона» ярим ҳимоячиси Френки де Йонг ўнг тиззасининг ички ён бойлами узилиши ортидан тикланишда давом этмоқда.
29 ёшли футболчи Нидерландия терма жамоаси Жаҳон чемпионатидан чиқиб кетганидан сўнг, ёзда сафдан чиққан эди. Журналист Лайя Тудель маълумотига кўра, ярим ҳимоячи келаси ҳафтадан «Барселона» билан умумий гуруҳда машғулотларга киришади. Футболчининг қачон майдонга қайтиши эса жамоавий машғулотларга ўтгач, юкламаларни унинг тиззаси қандай қабул қилишига боғлиқ бўлади.
10 октябрь куни «Барселона» Ла Лиганинг 8-турида ўз майдонида «Хетафе»ни қабул қилади. Айни пайтда Ханс-Дитер Флик шогирдлари 21 очко билан, яъни 100 фоизлик натижа қайд этган ҳолда турнир жадвалида пешқадамлик қилмоқда.
