Ўзбекистон делегацияси Aichi-Nagoya–2026 Осиё ўйинларида навбатдаги олтин медални қўлга киритди.
Бокс бўйича терма жамоамиз аъзоси Тўрабек Ҳабибуллаев -90 кг вазн тоифасида Осиё ўйинлари чемпионига айланди.
Ҳал қилувчи финал баҳсида ҳамюртимиз Хитой вакили Хан Сюэжэнга қарши рингга чиқди ва рақибини 5:0 ҳисобида мағлуб этди.
Шу тариқа, Тўрабек Ҳабибуллаев Ўзбекистон делегацияси ҳисобига навбатдаги олтин медални қўшиб қўйди.
Айни пайтда Ўзбекистон 17 та олтин, 21 та кумуш ва 20 та бронза — жами 58 та медаль билан умумжамоа ҳисобида 4-ўринда бормоқда.
