Португалия терма жамоаси вингери Франсишку Тринкао Миллатлар лигаси гуруҳ босқичида Данияга қарши сафар учрашувидан кейин ўз фикрларини билдирди.
«Данияга қарши сафарда ўйнаш ҳар доим қийин. Улар ўз майдонида яхши ҳаракат қилади. Мезбонлар дарвозамизга икки марта йўл топишди, аммо якунда биз кучлироқ бўлдик. Уч очко қўлга киритганимизни ҳисобга олсак, ўтган учрашувни жуда муваффақиятли деб ҳисоблайман», — дея футболчининг сўзларини УЕФА матбуот хизмати келтирди.
Португалия терма жамоаси Данияни 4:2 ҳисобида мағлуб этди.
Жорже Жезуш шогирдлари навбатдаги учрашувни 4 октябрь, якшанба куни ўз майдонида Норвегия терма жамоасига қарши ўтказади.
