«Реал»нинг бразилиялик ҳужумчиси Эндрик Италия А Сериясига йўл олиши мумкин. Бу ҳақда журналист Экрем Конур хабар берди.

Манба маълумотига кўра, «Рома» «Реал» билан алоқада бўлиб турибди ва ёш истеъдодни ижара асосида ўз сафига қўшиб олишни режалаштирмоқда.

14 октябрь куни «Рома» Чемпионлар лигаси умумий босқичининг иккинчи турида «Реал»ни қабул қилади. Кутилишича, ушбу учрашув музокараларда муҳим аҳамият касб этади, чунки томонлар масалани юзма-юз муҳокама қилиш имконига эга бўлади.

20 ёшли Эндрик жорий мавсум Испания чемпионатида атиги битта ўйинда майдонга тушиб, жами тўрт дақиқа ҳаракат қилди.

Ҳужумчининг «Реал» билан амалдаги шартномаси 2030 йил июнь ойига қадар мўлжалланган.