Аичи–Нагоя-2026 Осиё ўйинларининг 13-куни Ўзбекистон делегацияси учун сермаҳсул ўтди.

Ҳамюртларимиз бир куннинг ўзида 4 та олтин, 2 та кумуш ва 3 та бронза — жами 9 та медални қўлга киритди.

Бокс баҳсларида Тўрабек Ҳабибуллаев (-90 кг) ва Абдумалик Халоков (-60 кг) чемпионликка эришди. Жаҳонгир Зокиров (+90 кг) эса кумуш медаль соҳиби бўлди.

Дзюдода Музаффарбек Тўрабойев +100 кг вазн тоифасида олтин медални қўлга киритган бўлса, Эрназар Сарсенбаев -100 кгда бронзага сазовор бўлди.

Таэквондо WT мусобақаларида Жасурбек Жайсунов -80 кг вазнда чемпион бўлди. Озода Собиржонова эса -67 кгда кумуш медални қўлга киритди.

Теннис бўйича яккалик баҳсларида Ҳумоюн Султонов бронза медалига эга чиқди. Велотрекнинг мэдисон йўналишида Сергей Ростовцев ва Никита Светков жуфтлиги ҳам учинчи ўринни эгаллади.

Шу тариқа, Ўзбекистон делегациясининг Осиё ўйинларидаги умумий медаллари сони 65 тага етди: 20 та олтин, 23 та кумуш ва 22 та бронза.

Ўзбекистон умумжамоа ҳисобида 4-ўринни эгаллаб турибди.