Швециялик ҳимоячи Эмиль Хольм жума куни эрталаб ўнг сон орқа қисми мушаги пайини тиклаш бўйича жарроҳлик амалиётини бошдан кечирди.
Операция Финляндияда ўтказилди. Уни профессор Лассе Лемпайнен «Болонья» клуби шифокори Лука Бини иштирокида амалга оширди.
Футболчи реабилитация дастурини бошлашдан олдин маълум муддат уй шароитида дам олиш тартибига амал қилади. Италия клуби матбуот хизмати хабарига кўра, Хольмнинг тикланиши тахминан 4 ойдан 6 ойгача давом этиши кутилмоқда.
Эслатиб ўтамиз, айни пайтда «Болонья»нинг А Сериядаги ишлари яхши кетмаяпти. Жамоа турнир жадвалида 18-ўринни эгаллаб турибди.
