«ПСЖ» ижтимоий тармоқларда табрик пости эълон қилди. Франция Лига 1 гранди Златан Ибрагимовични 45 ёшга тўлиши муносабати билан табриклади.

«Туғилган кунинг билан, Златан Ибрагимович!» — дейилади Париж клуби хабарида.

Ўз вақтида Ибрахимович «ПСЖ» сафида 180 та расмий ўйинда майдонга тушган. Швециялик футболчи ушбу учрашувларда 156 та гол урган ва 62 та голли узатмани амалга оширган. Златан фаолияти давомида энг кўп ўйинни айнан «ПСЖ» сафида ўтказган.

Ибраҳимович «ПСЖ» билан 12 та совринни қўлга киритган. Жумладан, у тўрт марта Франция чемпиони бўлган.

Айни пайтда «ПСЖ» Франция чемпионати турнир жадвалида олтинчи ўринни эгаллаб турибди.