Машҳур ирландиялик собиқ футболчи Рой Кин Миллатлар лигаси доирасида Англия ва Хорватия терма жамоалари ўртасидаги учрашувда Жуд Беллингемнинг ўйинини баҳолади.
Англияликлар "шашкачилар"ни сафарда 7:0 ҳисобида тор-мор қилди. Мадриднинг "Реал" клуби юлдуз ярим ҳимоячиси битта гол урди ва учта голли узатмани амалга оширди.
"Бу худди катта одам кичик болаларга қарши ўйнаётгандек кўринди. Жуд жуда кучли футболчи. Аммо хорватларни ҳам айблаб бўлмайди — улар унга жисмоний жиҳатдан анча ютқазди", — дея Киннинг сўзларини Madrid Zone келтирди.
6 октябрь куни Томас Тухель жамоаси ўз майдонида Чехия терма жамоасига қарши ўйнайди. Учрашув 23:45 да бошланиши режалаштирилган.
