«Манчестер Сити» ҳужумчиси Эрлинг Холандга яна бир даъвогар пайдо бўлди.
El Nacional маълумотига кўра, «ПСЖ» норвегиялик футболчини ўз сафига қўшиб олишни мақсад қилган. Парижликлар Холандни Усмон Дембеленинг ўрнига муносиб номзод сифатида кўрмоқда. Франциялик футболчининг Саудия Арабистонига йўл олиши кутилмоқда.
Аввалроқ Холандга «Бавария», «Челси», «Арсенал», «Барселона» ва «Реал» ҳам қизиқиш билдираётгани ҳақида хабарлар тарқалган эди.
Жорий мавсумда Эрлинг Холанд «Манчестер Сити» сафида 7 та учрашув ўтказиб, 7 та гол урди.
