«Барселона» ва Англия Премьер-лигасининг бир нечта клуби «Лидс» ҳимоячиси Тарик Мухаремовични ўз трансфер рўйхатига киритди. Бу ҳақда Football Insider хабар бермоқда.
Мухаремович ёзда А Сериядаги муваффақиятли мавсумдан сўнг тахминан 34 миллион фунт стерлинг эвазига «Сассуоло»дан «Лидс»га ўтган эди. Босниялик ҳимоячи Даниэль Фарке жамоасининг уч ҳимоячидан иборат схемасида тезда муҳим ўйинчилардан бирига айланди ва АПЛдаги иштирокига жуда яхши старт олди.
Август ойида Мухаремович «Лидс»да ойнинг энг яхши футболчиси деб топилди. Халқаро танаффус олдидан «Кристал Пэлас»га қарши ўтказилган сўнгги учрашувда эса у ўйиннинг энг яхши футболчиси совринига сазовор бўлди.
Мухаремовичнинг январь ойида жамоани тарк этиши эҳтимоли паст, чунки «Лидс» ҳимоячи учун яқинда катта маблағ сарлаган. Агар у ҳозирги даражада ўйнашда давом этса, футболчи учун жиддий кураш келаси ёзда юзага келиши мумкин.
