Ҳозирда эркин агент мақомида бўлган футболчи Деле Алли собиқ жамоадошларига қўнғироқ қилди. 30 ёшли англиялик футболчи Харри Кейн билан суҳбатда «Олтин тўп» соврини унга берилиши кераклигини айтди.

Деле Алли: «Ҳозир Twitch’да стрим қиляпман. Томошабинлардан кимга қўнғироқ қилишимни сўрадим. Сен ҳақингда энг кўп ёзишди».

Харри Кейн: «Албатта!»

Деле Алли: «Томошабинлар “Олтин тўп” ҳақида ёзишяпти. Мен эса уларга соврин фақат бир инсонга берилиши кераклигини айтяпман. Фақат бир кишига — бошқа ҳеч кимга эмас!»

Харри Кейн: «Бу гапларингни қадрлайман, биродар. Ўзинг қалайсан? Ҳаммаси жойидами?»

Деле Алли: «Ҳаммаси ажойиб. Ҳозирча Лондондаман. Айрим режалар бор, лекин бу ҳақда стримдан ташқари гаплашаман».

Харри Кейн: «Тушунарли. Умид қиламанки, қаттиқ меҳнат қиляпсан?»

Деле Алли: «Ҳар доимгидек. Қаттиқ меҳнат қиляпман ва бундан завқ оляпман».

Харри Кейн: «Хўп, стримдан кейин менга қўнғироқ қил».

Аввал «Тоттенхэм», «Эвертон», «Бешикташ» ва «Комо» клубларида тўп сурган Деле Алли ўтган йилнинг сентябрь ойидан буён жамоасиз қолмоқда. У стрим давомида Жек Грилиш, Рияд Маҳрез, Эшли Коул ва Жеймс Мэддисон билан ҳам суҳбатлашди.

«Олтин тўп» совринини топшириш маросими 26 октябрь куни Лондонда бўлиб ўтади.