Килиан Мбаппе Париждаги тунги клубда севгилиси билан кўриниш берганидан сўнг танқидларга учради.
Испания журналистлари ва «Реал» мухлислари ижтимоий тармоқларда футболчига жароҳатидан тикланиш учун кўнгилочар жойларга боришдан кўра, соғломлашиш жараёнига эътибор қаратиш фойдали бўлишини таъкидлашди.
Шундан сўнг Мбаппе мухлисларни тинчлантириш мақсадида икки видеони эълон қилди. Биринчи видеода Килиан югуриш йўлакчасида машқ қилаётган бўлса, иккинчисида велосипед ҳайдаётгани акс этган. Демак, «Реал» мухлисларида хавотирга ўрин йўқ — футболчи жисмоний ҳолатини тиклаш устида ишламоқда.
Аввалроқ матбуотда Мбаппе «Вильярреал»га қарши 10 октябрь куни бўлиб ўтадиган учрашувни ўтказиб юбориши мумкинлиги ҳақида хабарлар тарқалган эди. Хабарларга кўра, Жозе Моуринью футболчининг соғлиғи билан боғлиқ вазиятда ортиқча таваккал қилишни истамаяпти.
