Бельгия терма жамоаси бош мураббийи Марк ван Боммел Миллатлар лигаси 4-туридан ўрин олган Францияга қарши сафардаги учрашувдан кутаётган натижалари ҳақида фикр билдирди.
28 сентябрь куни бельгияликлар ўз майдонида Францияга 0:1 ҳисобида мағлуб бўлган эди.
«Юри Тилеманс ва Кевин Де Брюйне жуда муҳим футболчилар, улар дисквалификация қилингани афсусли, аммо ҳар бир футболчи жамоага ёрдам бера олиши керак. Бошқа йигитлар масъулиятни ўз зиммасига олиши лозим. Динамик футбол — ўйинимизнинг бир қисми. Мен, албатта, икки таянч ярим ҳимоячи билан ўйнай оламан, шунинг учун Ромео Лавия ва Николя Раскин бир вақтнинг ўзида майдонда бўлиши мумкин.
Францияда сифатли футболчилар сони жуда кўп. Бу яхлит жамоа. Биринчи ўйинда эса биз камида бир очко олишимиз керак эди. Демак, бўлажак учрашувда ҳам бунинг уддасидан чиқишимиз мумкин. Биз барча жиҳатларда яхшироқ бўлишимиз керак», — дея ван Боммелнинг сўзларини УЕФА расмий сайти келтирмоқда.
