Антонио Конте яна Англияда ишлаш имконияти уни қизиқтираётганини маълум қилди.
57 ёшли мутахассиснинг таъкидлашича, Европанинг бошқа ҳеч бир чемпионати Англия Премьер-лигаси клубларичалик катта молиявий имкониятларга эга эмас.
"Англияда базукадан ўқ узишади, бошқалар эса ҳали ҳам тўппончадан фойдаланмоқда.
Аммо маблағни оқилона сарфлаш керак. Шунинг учун биз аввал ҳам вазиятни тўғри баҳолаш ва аниқ қарашга эга бўлиш муҳимлиги ҳақида гапирган эдик. Пул бўлиши мумкин, аммо уни тўғри сарфлаш керак", — деди Конте.
Италиялик мутахассис АПЛда аввал "Челси" ва "Тоттенхэм" клубларини бошқарган.
Конте ўтган мавсум якунида "Наполи"ни тарк этганидан буён клубсиз қолмоқда. У мавсум давомида ҳам, агар муносиб таклиф тушса, ишга қайтишга тайёр эканини таъкидлади.
