Мадриднинг "Реал" клуби ҳужумчиси Килиан Мбаппе Мадридга етиб келди ва Ла Лиганинг 8-туридан ўрин олган "Вильярреал"га қарши учрашувда иштирок этишга тайёр бўлади. Бу ҳақда AS нашри El Chiringuito дастурига таяниб хабар берди.
Учрашув Ўзбекистон вақти билан эса 11 октябрь соат 00:00 да бошланади.
Мбаппе жорий халқаро танаффусда Франция терма жамоасининг тўртта ўйинидан биринчиси — Туркияга қарши 1:0 ҳисобидаги баҳсда жароҳат олган ва алмаштирилган эди.
Манба маълумотига кўра, футболчини олиб келган самолёт Мадрид аэропортига маҳаллий вақт билан соат 11:16 да қўнган. "Реал"нинг машғулоти эса соат 10:30 да бошлангани учун Мбаппе унда иштирок этмади. Бироқ унинг яқин соатларда клуб базасига етиб бориши кутилмоқда.
Аввалроқ Мбаппе тиббий текширувдан ўтган ва унда чап тиззанинг орқа капсуласи гиперэкстензияси аниқланган.
Форвард ўтган мавсумда айнан шу тиззасининг боғламларидан жиддий жароҳат олгани сабаб клубда хавотир пайдо бўлган. Аммо бу сафарги муаммо жиддий эмаслиги маълум бўлди.
