Хорватиялик собиқ ярим ҳимоячи Звонимир Бобан португалиялик мураббий Рубен Аморим қўллаётган ўйин услуби ҳақида фикр билдирди. Унинг айтишича, айрим жиҳатлар унда хавотир уйғотмоқда.
«Ҳозирча хулоса чиқаришга эрта. Шахсан мен уч ҳимоячи билан ўйнашни ёқтирмайман. Бундай ҳолатда ўйин бироз парчаланиб кетади ва чизиқлар ўртасидаги боғлиқлик йўқолади.
Тизимга ўз вақтида ва тўғри ўзгартиш кирита билиш жуда муҳим. Бунинг учун қанот ҳимоячилари ва икки нафар марказий ярим ҳимоячидан жуда юқори маҳорат талаб қилинади.
«Лечче»га қарши ўйинда ишлар яхшироқ кечди, аммо биз ҳали йўлнинг бошидамиз. Аморим натижалар орқали ишонч қозониши керак. Бу эса вақт талаб қилади», — деди Бобан.
Эслатиб ўтамиз, Звонимир Бобан 1991 йилдан 2002 йилгача клуб сафида 11 йил фаолият олиб борган.
