«Милан» учун нохуш хабар: жамоа бельгиялик футболчи Алексис Салемакерсдан узоқ муддатга айрилиб қолиши мумкин. Машғулот пайтида жароҳат олган футболчига жарроҳлик амалиёти талаб қилиниши эҳтимоли бор.
«Милан» маълум қилишича, ўтган дам олиш кунлари Алексис Салемакерс ўнг тўпиғини қўшимча текширувдан ўтказди. Айнан шу жойда 2024 йилда ички тўпиқ суяги синиши сабаб операция ўтказилган эди.
Махсус текширувлар сўнгги машғулотда олинган жароҳат натижасида аввал операция қилинган жойда бўғим беқарорлиги пайдо бўлганини кўрсатди», — дейилади «Милан» матбуот хизмати хабарида.
Айни пайтда «Милан» А Серия турнир жадвалида бешинчи ўринни эгаллаб турибди.
