Англия терма жамоаси ҳимоячиси Трево Чалоба Миллатлар лигаси гуруҳ босқичида Хорватия устидан 7:0 ҳисобида қозонилган йирик ғалабадан сўнг ўз таассуротлари билан ўртоқлашди.
Унинг таъкидлашича, Англия ушбу учрашувда бундан ҳам кўпроқ гол уриши мумкин эди.
«Голлар сони янада кўпроқ бўлиши мумкин эди ва бу ҳатто бироз қўрқинчли. Жамоамиз сафида шундай ажойиб футболчилар борлиги жуда яхши», — деди Чалоба.
Футболчи Англия ҳимоя чизиғи ҳам мунтазам ривожланиб бораётганини таъкидлади. Унинг сўзларига кўра, Гарри Кейн ва жамоанинг бошқа кучли ҳужумчиларига қарши машғулот ўтказиш ҳимоячиларнинг савиясини оширмоқда.
Чалоба бундай юқори даражадаги футболчилар Англия сафида ўйнаётганидан хурсанд эканини ва уларга рақиб сифатида тўқнаш келишни истамаслигини қўшимча қилди.
