Дания терма жамоаси ва «Наполи» ҳужумчиси Расмус Хёйлунд Португалия терма жамоасидаги юлдуз ҳужумчи Криштиану Роналду билан боғлиқ можароли вазиятга муносабат билдирди.

«Матбуот Роналду ҳақида шов-шувли сарлавҳаларни яхши кўради. Мен уни ўзимнинг қаҳрамоним деб билишимни анчадан бери айтиб келаман. Умид қиламанки, терма жамоадаги бу вазият ҳал бўлади. У учун ҳаммаси шу тарзда якунланса, жуда хафа бўламан. У футбол тарихидаги энг буюк футболчи», — дея скандинавиялик футболчининг сўзларини TV2 келтиради.

Роналду бош мураббий Жорже Жезуш билан келишмовчилик туфайли Португалия терма жамоасини тарк этган. Мутахассис Миллатлар лигасининг Норвегияга қарши учрашувида ҳужумчини майдонга туширишини ваъда қилган, аммо учрашув давомида қарорини ўзгартирган.