«Манчестер Сити» яқинда молиявий қоидаларни кўплаб бузганликда айбдор деб топилди. Клубга жиддий жазо қўлланиши мумкин, аммо иш ҳали якунига етмаган — «шаҳарликлар» 1 октябрь куни апелляция берди.
Шу билан бирга, The Touchline хабар беришича, «Манчестер Сити» бош мураббийи Энцо Мареска билан клуб эгалари вакили, директорлар кенгаши раиси ҳамда бош ижрочи директори учрашган. Улар Марескадан футболчилар билан суҳбатлашиб, иш яхши якунланишига ишонтиришни сўраган.
«Манчестер Сити» раҳбарияти клубнинг айбсиз эканини таъкидлашда давом этмоқда. Раҳбарлар ушбу иш билан боғлиқ ноаниқлик футболчиларнинг диққат-эътиборига салбий таъсир кўрсатмаслигига ишонч ҳосил қилмоқчи.
