«Манчестер Юнайтед» ҳужумчиси Беньямин Шешко Европанинг икки гранди клуби қизиқиш доирасига тушди.

TuttoJuve маълумотига кўра, «Барселона» ва «Ювентус» словениялик футболчининг 2027 йилда эҳтимолий трансфери бўйича дастлабки алоқаларни ўрнатган. Ҳозирча туринликлар Испания грандини ортда қолдирмоқда, аммо расмий таклифлар ҳали билдирилмаган. Асосий муаммо футболчининг юқори нархи бўлиб қолмоқда, чунки «Манчестер Юнайтед» Шешко учун 75 миллион евро талаб қилмоқда.

Эслатиб ўтамиз, «қизил иблислар» ҳужумчини 2025 йил ёзида «РБ Лейпциг»дан 76,5 миллион еврога сотиб олган. Жорий мавсумда у барча турнирларда 6 та учрашувда майдонга тушиб, 2 та гол урди.

Шунингдек, у Премьер-лигадаги 4 та учрашувнинг бирортасида ҳам асосий таркибда майдонга тушмаган ва жами 76 дақиқа ўйнаган.