Аргентинанинг «Ривер Плейт» клуби Европанинг кўплаб скаутлари эътиборини тортган 16 ёшли истеъдод Бруно Кабрални қўлдан чиқармаслик учун у билан шартномани янгилади.
Ёш ҳужумчи 2025 йилда «Месси Кап» турнирида саккизта гол уриб, мусобақанинг энг яхши тўпурари бўлганидан сўнг кўплаб Европа клубларининг эътиборига тушган эди.
Кабрал билан 2028 йил охирига қадар мўлжалланган шартнома имзоланди. Унинг шартномасидаги товон пули 100 миллион евро этиб белгиланган. Бу ҳақда derbyderbyderby.it нашри Аргентинанинг TyC Sports манбасига таяниб хабар берди.
Ёш марказий ҳужумчи катта футболдаги фаолиятини «Камионерос» клуби академиясида бошлаган. У 2017 йилдан 2022 йилгача мазкур жамоа тизимида тўп сурган ва 2024 йилда «Ривер Плейт»га ўтган.
