«Интер Майами» ҳужумчиси Лионель Месси Аргентина терма жамоаси сафидаги хайрлашув учрашувини — Бенин терма жамоасига қарши ўртоқлик ўйинини ўтказди.

39 ёшли футболчи «Ривер Плейт» ҳимоячиси Николас Отамендига ассистентлик қилди ва шу орқали лотин америкаликлар ҳисобни очишди. 48-дақиқада Месси бурчак тўпини узатди. 38 ёшли Отаменди сакраб, тўпга оёқда зарба берди ва уни тўсин остига аниқ йўллади.

61-дақиқада Месси майдоннинг ўнг қанотида туриб, кўндаланг пас берди. Натижада Нико Пас Бенин терма жамоаси жарима майдони чегараси яқинида тўпни қабул қилиб олди. «Комо»нинг 22 ёшли ярим ҳимоячиси айлантирма зарба билан тўпни узоқ устун ёнига йўллаб, дарвозани ишғол қилди.