«Inter Mayami» hujumchisi Lionel Messi Argentina terma jamoasi safidagi xayrlashuv uchrashuvini — Benin terma jamoasiga qarshi o‘rtoqlik o‘yinini o‘tkazdi.
39 yoshli futbolchi «River Pleyt» himoyachisi Nikolas Otamendiga assistentlik qildi va shu orqali lotin amerikaliklar hisobni ochishdi. 48-daqiqada Messi burchak to‘pini uzatdi. 38 yoshli Otamendi sakrab, to‘pga oyoqda zarba berdi va uni to‘sin ostiga aniq yo‘lladi.
61-daqiqada Messi maydonning o‘ng qanotida turib, ko‘ndalang pas berdi. Natijada Niko Pas Benin terma jamoasi jarima maydoni chegarasi yaqinida to‘pni qabul qilib oldi. «Komo»ning 22 yoshli yarim himoyachisi aylantirma zarba bilan to‘pni uzoq ustun yoniga yo‘llab, darvozani ishg‘ol qildi.
