Ҳужумчи Криштиану Роналду Португалия терма жамоасининг Норвегияга қарши ўйинидан сўнг мухлислар олдига бормагани ҳақида фикр билдирди.
«Ўйиндан кейин мен фақат битта нарсани хоҳладим — ҳаммаси ғалаба билан якунланишини ва мени ёлғиз қолдиришларини. Мен мухлислар билан саломлашиш учун олдига бормадим. Бу менинг хатом, бунинг учун масъулият фақат менинг зиммамда ва бундай бўлмаслиги керак эди. Бизга у ерда шунчалик фаол равишда ёрдам берган португалияликлардан, мухлислардан, шунингдек, ҳатто португалиялик бўлмаса-да, мени қўллаб-қувватлаш учун у ерга борган ва мен хафа қилган бўлишим мумкин бўлган барча инсонлардан узр сўрайман», — деди Роналду.
Ушбу учрашувда Криштиану танаффусдан сўнг майдон четида қизиб олди, аммо Жорже Жезуш уни майдонга туширмади. Шундан сўнг ҳужумчи терма жамоа ихтиёрини тарк этди.
