"Палмейрас"га тегишли ҳужумкор ярим ҳимоячи Эдуардо Консейсао Англия чемпионатининг бир қатор топ-клублари эътиборига тушган. Бу ҳақда журналист Экрем Конур хабар берди.
Манбага кўра, 16 ёшли иқтидорли футболчининг ривожланишини "Челси", "Манчестер Сити" ва "Манчестер Юнайтед" кузатиб бормоқда.
Ўтган ёзда эҳтимолий харидорлар "Палмейрас"га Консейсао учун тахминан 25 миллион евро таклиф қилган, аммо Бразилия клуби бу таклифни рад этган.
"Палмейрас" ёш футболчининг келажакдаги трансферини камида 50 миллион еврога баҳоламоқда.
Консейсаонинг амалдаги шартномаси 2029 йил январь ойига қадар мўлжалланган.
