Симоне Индзагининг агенти Федерико Пасторелло ҳар ёзда бир қатор клублар уни ўз сафига таклиф қилишга қизиқиш билдиришини айтди. Бироқ мураббий "Ал-Ҳилол"да ишлашни давом эттиришга қарор қилган.
"Бир йиллик тажриба унга жуда катта ёрдам берди. Мавсум охирида эса барча натижаларни сарҳисоб қиламиз. Ҳозирча масала на бир томонга, на иккинчи томонга ҳал қилинган. Бунда клубнинг истагини ҳам ҳисобга олиш керак", — деди Пасторелло Sportmediaset нашрига берган интервьюсида.
"Ҳар ёзда уни таклиф қилмоқчи бўлган 4-5 та жамоа топилади, улар орасида Италия клублари ҳам бор. Бу сафар ҳам шундай бўлди. Аммо биз ҳатто музокараларни бошлашимизга ҳам тўғри келмади, чунки унинг ўзи қолишни истади", — қўшимча қилди агент.
Индзаги "Интер"да тўрт йил ишлаганидан сўнг "Ал-Ҳилол"ни қабул қилиб олган. Айни пайтда италиялик мутахассис Саудия Арабистонидаги иккинчи мавсумини ўтказмоқда.
