Мадриднинг «Реал» клуби ва Франция миллий жамоаси ярим ҳимоячиси Орельен Тчуамени 2026 йилги «Олтин тўп» учун, унинг фикрича, асосий даъвогар бўлган уч футболчини айтди. Тақдирлаш маросими 26 октябрь куни Лондонда бўлиб ўтади.
«Бу мураккаб савол, чунки мукофотга муносиб бўлган футболчилар жуда кўп. Килиан Мбаппенинг мавсуми ажойиб ўтди ва менимча, у мукофотга лойиқ. Шунингдек, Усмон Дембеле ҳам «ПСЖ» таркибида кўрсатган ўйини ва жамоанинг навбатдаги УЕФА Чемпионлар лигасидаги триумфи ортидан бу совринга муносиб.
Яна Майкл Олисе ҳам бор. Санаб ўтганларимнинг барчаси французларми? Албатта! «Олтин тўп» Францияга қайтиши керак», — деди Тчуамени France 24 телеканалига берган интервьюсида.
