Жорже Жезушнинг собиқ жамоадоши, кейинчалик эса "Лейрия"да унинг қўл остида ҳам ўйнаган Дамьен Тиксье португалиялик мутахассиснинг кийиниш хонасидаги иш услуби ҳақида гапирди.
Унинг айтишича, Жезуш футболчиларнинг мақомига қарамай, дарҳол ўзини жамоадаги асосий шахс сифатида кўрсатади. Шу йўл билан у жамоани бирлаштиришга ҳаракат қилади.
"Биз ким билан ишлаётганимизни дарҳол тушундик. Ўша пайтда у бу ерда бошлиқ айнан ўзи эканини ва ҳар биримизнинг мақомимиз унга мутлақо аҳамиятсизлигини кўрсатмоқчи эди", — дея Тиксьенинг сўзларини Footmercato келтирди.
Аввалроқ Жезуш Криштиану Роналду матбуот анжуманида ўқиб эшиттириш учун тайёрлаб берган баёнот матни билан танишганини айтган, аммо бу масала юзасидан изоҳ бермаган эди.
