"Тоттенхэм" бош мураббийи Андре Виллаш-Боаш Европа лигаси гуруҳ босқичининг 2-тури доирасидаги "Анжи"га қарши ўйиндан сўнг (2:0) ўз фикрларини қуйидагича баён қилди.

"Биринчи бўлимни жуда яхши ўтказдик. "Анжи" хавфли қарши ҳужумлар уюштиришга уринган бўлсада, ўйинни биз назорат остида ушлаб турдик.

Ғалабага биринчи таймдаги ҳаракатларимиз эвазига эришдик. Иккинчи бўлимда эса тез-тез тўпни йўқотдик", - деди португалиялик мутахассис анжуманнинг кириш қисмида.

-Нима сабабдан Ламела ҳали ўзининг энг яхши ўйинини кўрсата олмаяпти?
-Майдон жуда ёмон аҳволда эди. У эса техник футбол кўрсатишни ёқдиради, қисқа паслар беради. Бугун бунинг учун ҳамма шароит бор эди деб бўлмайди.

-Орқангизда жанжал бошланиб кетган вақтда қўрқмадингизми?
-Қўрққаним йўқ. Стадионда полиция жуда кўп эди. Бу каби нарсаларни олдиндан кўриш қийин, аммо полиция вазиятни назорат қилди.