Италиянинг «Фиорентина» клуби ҳимоячи Лука Раньери билан шартнома муддатини узайтирганини расман эълон қилди.
Клуб расмий сайтида берган маълумотга кўра, футболчи 2029 йилнинг ёзига қадар амал қиладиган янги келишувни имзолади.
Шартномада ҳамкорликни яна бир мавсумга узайтириш имконияти ҳам кўзда тутилган.
Лука Раньери «Фиорентина» клуби тарбияланувчиси ҳисобланади. У жамоанинг асосий таркибида ҳозиргача 164 та учрашувда майдонга тушиб, 12 та гол урган ва олтита голли узатмани амалга оширган.
Қайд этиш жоиз, Раньери 2025 йилнинг ёзида Италия миллий терма жамоасида дебют қилган.
Бироқ ўшандан буён ҳимоячи мамлакат бош жамоасига қайта чақирилмаган.
Айни пайтда «Фиорентина» Италия А Серияси турнир жадвалида 17-ўринни эгаллаб турибди.
