«Ливерпуль» сардори Виржил ван Дейк жамоа футболчиларига қўйиладиган талаблар ҳақида фикр билдирди.
Нидерландиялик ҳимоячи 2023 йилнинг ёзида мерсисайдликлар сардорига айланган. Ўшандан буён жамоада уч нафар бош мураббий — Юрген Клопп, Арне Слот ва Андони Ираола фаолият юритган.
35 ёшли футболчи Sky Sports нашрига берган интервьюсида «Ливерпуль»нинг ҳар бир аъзосидан нималар кутилишини тушунтирди.
«Ливерпуль»нинг ҳар бир футболчисидан талаб қилинадиган энг кам нарса — бор кучини ишга солиш, ҳеч қачон таслим бўлмаслик ва яхши инсон бўлиш.
Бу ерда ҳар бир учрашувнинг биринчи дақиқасидан охиргисигача клуб манфаати учун қўлингдан келган барча ишни қилишинг керак.
Бу улкан шараф. Аммо сен буни тўлиқ англаб улгурмасингдан ҳаммаси тугаб қолиши мумкин», — деди Ван Дейк.
«Ливерпуль» 11 октябрь, якшанба куни Англия Премьер-лигаси доирасида ўз майдонида «Манчестер Сити»ни қабул қилади.
